Dur & Wold - Eit hyggeleg møte med Vidar Sandbecks viser

Velkomen til ei musikalsk stund på biblioteket!

Dur & Wold kjem til biblioteket for å halde eit inspirerande musikkforedrag om visesongaren, diktaren og kulturformidlaren Vidar Sandbeck. Med både ord og tonar tek dei oss med inn i Sandbeck sitt liv og virke – frå enkle kår på Rena til ein folkekjær artist og forfattar.

Gjennom forteljingar og ikkje minst musikk får vi eit nært møte med Sandbeck sitt rike univers. Dur & Wold formidlar med varme og humor, og gjev nytt liv til både kjende og mindre kjende viser.

Dette blir ei hyggeleg oppleving for både Sandbeck-fans og dei som er nysgjerrige på visekunst og norsk kulturhistorie. Velkomne!